Basaizeako Oihana Bidart-ek dion bezala "bazen orain bulta bat gisa honetako gaualdia antolatzeko xedea ginuela" ; eta funtsean Altxalili kabareteko batzuek ere hitz ordu hau manera bereziz biziko dute, sorterrian, eta beste batzuek ibili diren kolegioan ; hauetan da Dom Campistron (Oihana Bidart eta Dom Campistron entzuten ahal dira juntatu elgarrizketa grabatuan).

Altxalili kabareta ezagutzen ez dutenentzat “Kabaret eroxka eta hunkigarria, Drag Queen, Drag King-ek haien mundua, haien lurra, haien herria dituzte aipagai, mozorrotze aske eta pozgarria erabiliz. Mutxikoak, trikia, panderoa, kantuak, antzerkiak eta beste hainbeste begi kliska goxoak Euskal Herri barnealdeaz”

Kabaretarentzat sartze guziak 3 egunez agortu balin badira, jakin ikusgarritik landa,  Bil etxeatik Bixentainiaraino desfile berezi alaitsua eginen dela, Altxalilikoekin bainan ere gaitero eta musikariekin.

Eta Bixentainian  kontzertuak izanen dira 20:00tan Utxaranga, 22:00tan Burutik, 00:00tan DJ Estelle,
Baigorriko ikastolak afaria segurtatuko duelarik.