Aurten 140 behi eta hamabost ahatxe iganen dira Sorgainera, eta han egonen buruila hondarra arte.

Sorogain Erroko lur funtsetan da, 1000 hektareko ordoki bat, udan kabalen bazka lekua bihurtzen dena. Eta hortarako, aspaldiko denborako bi ibarren arteko tratu bat bada, 1856ko Baionako itunean oinarritzen dena. Eta huni esker, Sorgainera joaiten ahal dira Baigorri ibarreko kabalak ere.

Erro ibarrekoak finkatzen dute Baigorriko ibarretik sartzen ahal den behi kopurua. Aurten 160 behi. Eta uda guzirako behi buru bakotx pagatu behar dena, 71 euro.
Prezio hau azken 18 urte hauetan ez da emendatu. Alta Baigorri ibarretik doan behien kopurua azken bizpairu urte hauetan apaltzen da. Michel Bidart Baigorriko mendi sindikateko presidentaren iduriko, PAC diru laguntzek badute zer ikusia, Erro-ko Sorogainen egoiten diren behientzat ez baitute europako diru laguntza hau altxatzen ahal laborariek.

Aurten 140 behik eta 15 ahatxe joanen dira beraz Sorogainera. Eta hauen burdin gorriz markatzea, maiatzaren 23an eginen da Urepelen, larunbat huntan, 10:30tarik goiti. Urepeleko Marka gertakari bat da, sekulako jendea biltzen da karia hortara; laborarien topagune bat baita bainan ere ikuslier ainitzen plazerra. Markaren ondotik aperitifa eta baskaria.

Jakin bestalde Urepeleko marka eta beste adibide ainitz azalduak izanen direla Maiatzaren 30an, Urepeleko Amerikanoinea interpretazio zentroan : “Batzen gaituzten mugak” lema pean hitzaldia izanen da; 1856an finkatua izan zen Baionako hitzarmenaz eta hunen ondorioez 170 urte berantago, mintzatuko da Claude Martinez Urepeldar historialaria.