Zerbitzu hau duela hiru urte sortu zen Baigorriko lurraldean, adinetakoak eta beren familiakoak beren etxeetan laguntzeko. Hiru urteko kontratua izenpetu zen orduan ARS eskualdeko osasun agentziarekin.

Hiru urteren buruan ereman lanaz ebaluazio bat egin da, eta erabaki zerbitzua azkartzea eta hedatzea Garaziko lurraldera ere, “Goxoki Etxean” C.R.T. edo lurraldeko baliabide zentro bilakatuz.

Mediku, erizain, psikologo, dietetiziena, ergotarapeuta, masaje egile, edo gerontologiako aditu, “Goxoki Etxean” zerbitzuan aditu desberdinak aurkitzen dira, etxeetan ibiltzen direnak; eta hauen misioak zabalak dira :  ikusten ahal dute etxean egiten ahal diren obrak adinekoen bizia edo mugimenduak errexteko; bainan ere egun guzietakoan laguntza ekartzen ahal beztitzeko, sukaldatzeko, ibiltzeko, edo ere memoria lantzeko atelierrak, denboran eta espazioan orientatzen laguntzeko atelierrak, edo sinpleki adinekoen lasaitzeko edo sustengatzeko. Helburua delarik adinekoak eta beren familiak laguntzea, xaharrak egin ahala luzaz beren etxeetan bizitzen egon daitezen.

Garazi Baigorriko Goxoki Etxean zerbitzuaz argitasunak nahi dituenak, dei dezala 06 30 10 24 99

Juntatu erreportaian : Oihana Bidart psikologoa, Christine Etxexuri erizain koordinatzailea, Béatrice Mollon eta Chantal Jauriguiberry gerontologiako artatzaileak