Osasunaren eta medikuntzaren ikuspegi kritiko batetik idatzi ditu artikuluak Angel Bidaurrazagak. Egilearen ustez, pandemia garaian botere publikoek hartu zituzten neurri askok izaera distopikoa edo totalitarioa izan zuten; horien artean aipatzen ditu konfinamenduak, maskaren erabileraren inposaketa, txertoetan erabilitako osagai batzuk, edota haurrek pairatu zuten isolamendu soziala.

Distopia baten kronika liburua aurkeztuko du Angel Bidaurrazaga idazleak martxoaren 13an, ostiral arratsaldean, Larzabalen, Ezpeletania gelan, 19:30tan. Halaber, larunbatean aurkezpena izanen da Ortzaizen, Menta liburu-dendan.

Aurkezpen eta solasaldian harekin batera ariko da Ihintza Tellabide Amunarriz, independentea.eus-en editore lanetan ari dena eta liburuaren aitzinsolasa idatzi duena.