Amikuzeko igerilekuak bortak jada zabalik ditu, baina are gehiago edekiko ditu, maiatzean hasiak baitira eskoletako ikasleak bisitan joaten.

Apirila eta maiatzean arratsaldez baizik ez da zabalik izanen, 17:00etatik 19:00etara, baina baita eguerdi eta 14:00ak artean.
Gero, udako ordutegia izanen du, uztaila eta agorrilean, egun guziez zabalik izanen da, igande eta besta egunetan barne, 08:30etatik 19:00ak arte.

Badu berritasunik Amikuzeko igerilukoak eskaintzari dagokiolarik: hilabeteko harpidetza-kartak balio du berdin Donapaleun, berdin Maulen eta Donibane Garazikoan ere. Ureko gimnastika, bizikleta eta akuafobi dira ere berritasunak aurten. Bereziki akuafobi-saioak: helduei zuzendurikoak dira, urean trenpuan sentitzeko saioak dira, urari izua kentzeko eta urean segurki sentitzeko. Julie Apezetxe Donapaleuko igerilekuko harrera-langileak salatu digu galdea jin zaiela amatxi-aitatxiengandik, haien arra-haurren laguntzeko. Aldi guziez 40 minutuko saioa da, eta horiez gozatzeko, lekuak atxiki behar dira harat deituz; jakin bakoitza 10 euskotan dela, baina hamarnaka erosiz gero, bat kitorik da.

Ureko gimanstika eta bizikleta-kurtsoen kasuan ere prezioa bera da eta lekuak atxiki behar dira. Ekainetik aitzina abiatuko dira asteroko kurtso horiek. Konparazione, ureko gimanstika eta bizikletarenak astelehenetan, asteartetan eta ostegunetan dira; igeriketa-trebatze kurtsoak, berriz, astearte eta ostegunetan.

Ttipi-ttipiek ukanen dute ere uraren hurbiltzeko parada sorosle baten laguntzaz, 5 eurotan saioa. Kasu honetan ere bada manera hilabeteko harpidetza erosteko, zeinak balio baitu hiru igeri-lekuetan.

Jakin badituztela ere elkartasunezko prezioak: familia-kozioa 700 pekoa baldin bada, izan MSAkoa edo CAFekoa, urririk da.
Xehetasunak oro HEMEN bil ditzakezue.