Donapaleuko eskola publikoan sartzea 140 ikaslerekin egin dute. Horietarik 70 bat sail elebidunean dira. Euskarazko irakaskuntza hiru irakaslek segurtatuko dute: haur hezkuntzan, irakasle postu oso batek, eta lehen mailan, bi irakaslek denbora erdiz.

Elebiduneko ikasleek eskolako proiektuez eta urtean zeharreko ohiko hitzorduez ere gozatuko dute. Olentzero eta ihauteriak, baita urteko animazioak ere, programaren parte izanen dira. Euskararen inguruko jardueretan, txotxongiloen bertuteak ere ezagutuko dituzte ikasleek.

Bestalde, beroari buru egiteko aire girotua ezarri dute. Ikasle eta irakasleek, beraz, instalazio egokituagoetan hasiko dute ikasturtea.