Amikuzeko ikastolak eguberriko merkatua antolatua du azaroaren 29an. Bosgarren aldi honek  berritasunak baditu: hasteko, ez da usain bezala merkatu estalian izanen, baizik eta Donapaleuko Airetik gelan, merkatu estalia obretan baita. Bestalde, haurrendako animazio berriak proposatuko dituzte, hala nola, norberak bere buruari argazkiak egiten ahalko ditu, eguberriko apainketez eta mozorroz lagundurik.

 

Hogeita hamabost bat erakuslek parte hartuko dute, denek tokiko eta kalitatezko salgaiak proposatuz: jateko puskak, edergailuak, arte-obrak, arropak... Zinez denetarik, eguberriko opari guziak egiteko gisan.

 

Egun osoko animazioa izanen da, goizeko 10:00etatik hasi eta arrastiriko 18:00ak arte, jan eta edana barne.