Urriaren 9an, ostiralarekin, aurkeztuko dute «Emazteak itzalean» dokumentala Donapaleuko zinema gelan, 20:30etan. Laetitia Tomassi film egileak azken bost urteetan emazteen toponimiaren inguruan egin lana erakusten du dokumentalean. Proiekzioaren ondotik, solasaldi bat eginen dute BaskElles eta Les Bascos elkarteetako kideek. Egilearen arabera, lana «desberdintasun horren kontzientzia hartzeko tresna bat gehiago» izatea dute helburu.

Dokumentala Donapaleun aurkezteak badu berezitasun bat. Laetitia Tomassik Charles Massondo auzapez ohiarekin eramandako lana ere ageri da filmean. Lan horren artean da Jacqueline Bidegorri plazaren sortzea.