Euskal Trails mendiko trail hitzordu nagusietako bat da Baigorrin eta Aldudeko ibarrean Euskal Raid elkarteak antolatua, mendiko 7 ibilbide tekniko eskaintzen ditu. Urtero, Baigorriko herria ekitaldirako apailatzen da: lasterkarien gunea (abiatzea eta helmuga plazan, hornidura guneak, jatetxeak, podiuma).

Egitaraua

• Ttiki Trail: elkartasun lasterketa, 1etik 3 kilometrora adinaren arabera. Ez da sailkapenik izanen helmugan. Abiatzea Baigorritik, ostegunean, maiatzaren 14an, 15:30etan.

• Ultra Trail: 130 kilometro (7.500 m+), bikoteka edo bakarka. Abiatzea ostiralean, maiatzaren 15ean, goizeko 5:00etan, Baigorritik.

• Euskal Endurance: 65 kilometro (3.800 m+), bikoteka. Abiatzea ostiralean, maiatzaren 15ean, 5:30etan, Baigorritik.

• Neska Trail: 8 kilometro bikoteka. Ostiralean, maiatzaren 15ean, 17:30ean abiatuko da Baigorritik.

• Iluna Trail (gaueko lasterketa): 27 kilometro (1.500 m+), bikoteka. Ostiralean, maiatzaren 15ean, 23:00etan abiatzea Baigorritik.

• Trail Gurmanta: 2x25 kilometro (2.500 m+), bikoteka eta bi etapatan. Abiatzeak ostiralean, maiatzaren 15ean eta larunbatean, maiatzaren 16an, Urepeletik.

• Euskal Trail: 2x40 kilometro (4.000 m+), bikoteka eta bi etapatan. Ostiralean, maiatzaren 15ean eta larunbatean, maiatzaren 16an, 6:30etan, Urepeletik abiatuz.

Euskal Trail 2025 - Alduden

Informazio praktikoak

Euskal Trail 2026: izen-emateak eta bizkarrekoak

Lasterketa guzietarako izen-emateak 2026ko urtarriletik idekiak dira. Kasu, parte hartzeko leku kopurua mugatua da. Bizkarrekoen banaketa maiatzaren 14an, ostegunez, eginen da, goizeko 9:00etatik arratseko 19:00etara.

Euskal Trail: sarbidea eta zerbitzuak

Lasterkariek hornidura toki erregularrak atxemanen dituzte ibilbide guzian zehar: edariak, jatekoa eta tokiko produktuak. Laguntzaileek parte-hartzaileak bero-beroan hartuko dituzte hornidura gune bakoitzean, eta behar izanez gero laguntza medikala ere segurtatuko dute.