Garazi-Baigorriko lurraldean, AEK-k Ahatsan, Lekunberrin, Baigorrin, Ortzaizen eta Urepelen emanen ditu euskara kurtsoak. Maila guzientzat izanen da hautua, euskara hutsetik hasi nahi dutenentzat bezala, beren maila hobetu nahi dutenentzat. Mintza-pratika eta mintza-lagun saioak ere izanen dira, ikasitakoa erabiliz ahozkotasuna lantzeko.

Erakasleak xekatzen dira

Ikasle gisa izena eman nahi dutenek, edo AEK-n erakasle izan nahi dutenek, Maialen Errekart Garazi-Baigorriko AEK-ko bulegoko arduradunarekin harremanetan jar daitezke, 05 59 37 78 15erat deituz.

Izen-emaiteko permanentziak ere antolatu dituzte:

• Urepelen, Amerikanoinian: buruilaren 12an, 10:00etatik 12:00etara.

• Baigorrin, Elizondo gelan: buruilaren 19an, 09:00etatik 12:00etara.

• Mendiben, Euskararen Egunean: 10:00etatik 12:00etara.

Kurtsoak urriaren 5ean abiatuko dira.