Garaziko Mendi Sindikatuak 17.000 hektareako eremua kudeatzen du, ibarreko 20 herriren izenean. Mendi horietan kabala, laborari, ibiltari eta mendizale ainitz ere ibiltzen da. Horien guzien arteko elgarbizitza zaintzea ezinbertzekoa dela oroitarazi dute.

Uda huntan, sute arriskua handia da. Bazterrak biziki idor dira eta horrek sute arriskua emendatzen du egunetik egunera. Horren gatik, Mendi Sindikatuak erne egoitera deitu ditu mendirat doazin guziak. Oihaneko Kodeak debekatzen du sua piztea. Debeku beraren baitan sartzen dira zigarreta piztea eta kanpalekuetako suak ere.

Bestalde, Euskal Herriko Mendi Elkargoen Batasuneko mendi batzordeek, Oihanetako Bulego Nazionaleko (ONF) langileekin batean, zaintza bereziak antolatu dituzte uda huntan. Helburua argia da: mendirat heldu direnak sentsibilizatzea eta denek arauak bete ditzaten segurtatzea.