Azkarateko edabeen etxe proiektuari juntatu da Armiarmak elkarte antolalatzailea, edarien egiteko hartzidura edo fermantazioa baliatzen baita. Gehienetan, hartzidura xukruta bezalako jakien egiteko baliatzen dela pentsatzen dugu; bainan egiazki, gure eguneroko janari eta edari anitzen oinarrian da. Arnoa, sagarnoa edo garagardoa egiteko erabiltzen da, baina baita ere esnekietan, ogian, gasnetan, zozizonetan eta beste hainbat ekoizpenetan.

Iparraldeko sagarno egileak Azkaraten

Ortzaizeko Murgiako Patxi Aizager ere Azkaraten izanen da. IDOKI sareko sagarno eta ozpin egileak Iparraldeko sagarno egileen mahain kolektibo bat atxikiko du.

Mintzaldiak, tailerrak eta animazioak egun osoan

Egun osoan zehar mintzaldiak antolatuak izanen dira, kasik oren guziz. Horrez gain, merkatua, erakusmahaiak, etxalde bisitak, animazioak, atelierrak eta musika ere izanen dira. Jateko eta edateko parada ere ez da faltako. Hitzordua, maiatzaren 17an, igandearekin, Azkaraten: goizeko 9:30etatik 18:30ak arte.