Horretarako baheketa-test sinple bat bada, etxean berean egin daitekeena, lasaitasunez eta errexki. Hala ere, parte-hartzea oraindik urria da, eta osasun agintariek jendea pusatu nahi dute urrats hori egitera. Testuinguru horretan kokatzen da “Martxo Urdina” kanpaina, prebentzioa eta informazioa sustatzeko antolatua.

Ekimen horren baitan, Baxe Nafarroako CPTS egiturak informazio goizaldi berezi bat antolatuko du martxoaren 23an, Baigorriko Plaza Xokon. Eskualdeko osasun arloko profesionalak hor izanen dira, eta heste lodiko minbizia izanen da ardatz nagusia.

Alabaina, bestelako gaiak ere landuko dira, eta publikoari hainbat zerbitzu eta test eskainiko zaizkio, denak urririk:

• Entzumenaren neurketa

• Arnasketa testak

• Etxez etxeko zerbitzuei buruzko informazioa

• EMOG (gériatriako talde mugikorra)

• Présence Verte laguntza-sarea

• Osasun mentala

• Jarduera fisikoari buruzko aholkuak

• Bularreko minbiziaren prebentzioa

• Beste hainbat egitura eta profesionalen presentzia

Antolatzaileek azpimarratu dute helburua dela herritarrak informatzea, sentsibilizatzea eta osasunari buruzko baliabideak hurbiltzea. Informazioa eskuratzeko, eskubideak hobeki ezagutzeko eta norberaren zein ingurukoen osasuna zaintzeko, gomita zabalik da deneri.