1997an sortua, "Gogoa Erne" elkartea pixkanaka garatu da eta gaur egun bere zerbitzuak eskaintzen ditu Amikuze, Iholdi, Oztibarre, Garazi, Baigorri eta Xiberoako herrietan.

Elkartearen helburu nagusia da ikusmen arazoak dituztenei irakurtzeko parada ematea. Horretarako, handizki idatzitako liburuak prestatzen dituzte, eta nahi izanez gero, liburu horiek etxera edo adinekoen etxeetara ekartzen dituzte.

Gaur egun, elkartearen liburutegian 6000 liburu baino gehiago dituzte, genero eta estilo anitzekoak. Urtero liburu berriak erosten dituzte eta eskaera bereziei ere erantzuten diete, inprimatzeko eskubidea baitute.

Zerbitzua baliatu nahi duenak 12 euroko urteko kotizazioa ordaindu behar du. Horren trukean, liburuak urririk uzten dizkiete irakurleei, kultura eta irakurketaren plazera eskura jarriz.