Metrominuto izeneko tresna plantan ezartzen ari dira Donapaleun: jakiteko hiriko toki batetik besterat zenbat denbora behar den oinez. Xedea delarik ohartaraztea Donapaleuk zerbitzuak biziki hurbil dituela elkarrengatik, eta edozein dela hautatzen den aparkalekua, oinez berehala heltzen garela.

Funtsean, usaiak aldatzeko laguntza baizik ez da, joan nahi den tokiko borta aitzinean aparkatzeko ordez, aski dela inguruetako aparkaleku anitz horietako batean autoa uztea eta oinez beherala heltzen ahal dela hiriguneko zerbitzuetaraino.

Panel horiek, dena den, ez dira mapak, baizik eta krokis batzuk denboraren kalkulatzeko, zeintzuek eite handia baitute hirietako metroko krokisekin.

Azpimarratzekoa da Donapaleuk orotara badituela 700 aparleku baino gehiago.