Landu duten lehen garaia, 1920 hamarkada, urte eroak edo “années folles” garaia. Lizeoko ostatura jatera joan den jendea garai hortara murgildu arazteko, LOKALA Garazi Baigorriko berziklategiarekin partaidetzan, orduko objektu eta tresnak bildu dituzte. Eta objektu horien artean adibidez, irabiagailu bat eskuz martxan dena eta ikasleek entseatu dutena, hala nola Ortzaizeko Elaia Hervé eta Izturitzeko Gabi Etxartek. Eta aitortu daukute maionesa edo esne gain harrotua egiteko denbora eta indar gehiago behar zutela orduko sukaldariek. Baxerak aipatu dauzkigute ere, oraikoer konparatuz biziki desberdinak zirela : orain gehienetan xuri neutroak dira, lehen apainketa gehiago zuten. Zerbitzua ere desberdinki egiten zen : orain ostatuan azietan zerbitzatzen bada, lehen plat handi bat ezartzen zen mahaian erdian eta bakotxak hartzen zuen nahi zuena.

Egun hortan sukaldatu plateretan: patea hostorean, mihi arraina eta kalla edo galeperra; eta plat bakotxak galdegin sukaldatzeko teknika zailtasunak gainditu zituzten, hala nola kallari barneko hezur guziak kendu, azala hunki gabe.

Bi ikasleentzat esperientzia baikorra izan da. Eta ukan ditugun oihartzunen arabera, ostatura hurbildu direnek ere erran dute biziki untsa jan zutela.

Landuko duten ondoko garaia 1950 hamarkada izanen da. Hor tresna gehiago, hotzgailuak adibidez eta hotzgailuekin produktuen aniztasun gehiago ere ; labe elektrikoen garaia ere hasiko da garai hortan.