4 L trophy 10bat eguneko abentura bat da, Biarritzen abiatzen dena otsailaren 18an, heltzea Marrakex-en martxoaren 1an egiten delarik. 4 L modeloko auto batekin, bikoteka, España zeiharkatu behar da, itsas untzia hartu, Marokoko mendi gora eta hotzak pasatu, ondotik sablea, Marrakexeko helmugarat heldu aitzin.
4L trophy-ak badu alde humanitario bat ere : parte hartzaile bakotxak Marrakexeko haurrentzat behar ditu eskolako puskak ekarri, kirol jantziak edo informatikako tresnak.

4 L trophy-an parte hartzeko ez da egunetik biharamanurat egiten den gauza. Prestakuntza handia galdegiten duen abentura da. Autotik hasita; Damattit eta Julen-ek xantza pixka bat ukan dute : Julenen osebak bazuen bere garage-a zolan 4 L zahar bat, martxan ez zena gehiago.  Aste buruz aste buru, piezaz pieza, familia eta herriko garagistaren laguntzarekin, berriz martxan jarri dute.
Orai falta zaie autoaren apainketa egitea. Erran behar da sustengu handia ukan dutela lekuko komerzioen partetik, eta hori agertarazi nahi dute auto gainean.

Autoaren apainketa egiteaz gain, ikusten ari dira ere zer ekarri auto barnean : autoa konpontzeko pieza batzu, oihal etxea, lo egiteko zakua....

Egin ahala etxekoz etxeko egin badute ere, 4 L Trophy-an parte hartzeko gastuak badira. Jakin lagundu nahi badituzue, gaualdi bat antolatzen dutela urtarrilaren 31an astiriko 7tarik goiti, Ortzaizen antolatzen baitute “punch” gaualdi bat deneri idekia dena.

Instagram-ez segitzen ahal dira : bi4n izenarekin