“La Pensée straight”,  Monique Wittig filosofo eta feminista frantsesak 1992an idatzi zuen liburua da. Straight edo pentsamendu heterosexuala. Wittig-ek hola deitzen dako gure gizartean nagusi den ideologia bati, zoinetan emazteen eta gizonen arteko berexketa naturala egiten den. Wittig-ek salatzen du sistema hau, ez dela naturala baizik eta politikoa dela, emazteen zapalkuntza justifikatzeko balio duena. Emazteak klase zapaldu gisa ikusten ditu.

Zapalkuntza hori sail desberdinetan agertzen dela dio ; adibidez hizkuntzak ere zapalkuntza hortan azkarki parte hartzen duela dio.

Wittig-en iduriko aterabidea da pentsatzeko eta hitz egiteko molde berrien sortzea. Pentsamendu heterosexualetik ateratzea erran nahi luke bere kategoria binarioak (gizon/emazte edo femenino/maskulino....) baztertzea,  generoak eta arrazak naturalak direla sinesteari uztea.

Monique Wittig-en pentsamenduaz eta izaiten ahal diren aterabideetaz mintzaldia eskinaiko du Natacha Chetcuti Osorovitz soziologoak  gaur arratsean 7’30tan Larzabale Ezpeletenia ostatuan.

(soinua juntaturik, Natacha Chetcuti-rekin egin elgarrizketa frantsesez)