Buruil huntan talde guziek beren sartzea egin dute. Entrenamenduak berriz hasiak dira, eta lehen partidak ere heldu dira. Jazko bilana ezinago baikorra izan ondotik, US Nafarroan giroa ona da denboraldi berriaren hastapenean. Gaur egun, klubak 600 bat lizentziatu, 50 bat hezitzaile, 130 bat laguntzaile eta bost langile ditu. Taldearen hedadura handitu da azken urteetan, eta Akitania eskualdeko handienetariko bat bilakatu da.

Gazteen formakuntzari segida

Gazteen formakuntza da klubak aitzina eraman nahi duen ildo nagusietarik bat. Horretan, entrenamendu zentro labelizatuak, CEL edo Centre d’Entraînement Labellisé delakoak, bere tokia badu. 16 eta 18 urte arteko gazteak ari dira zentroan. Donibane Garaziko Nafarroa edo Frantsesenia lizeoetan diren gazteek astean bizpalau aldiz entrenatzeko parada dute.

Errugbi eskolaren aldetik ere, US Nafarroak hirugarren izarra erdietsi du. Horretarako behar ziren baldintza guziak bete ditu klubak. Besteak beste, errugbi eskolan ari diren entrenatzaile guziak formatuak izatea eta lurraldeko eskola desberdinetan ibiltzea galdegina da.

Orain, emaitzak zelaian

Denboraldi berria abiaturik, klubaren helburua jaz hasi ildoetan segitzea da. Gazteen formakuntzak eta errugbi eskolaren garapenak segida ukanen dute. Alabaina, ondoko asteetan zelai gaineko emaitzek erakutsiko dute iazko bilana baikorrari segida ematen ahalko dioten. Orain, entrenamenduak eta lehen partidak hasiak dira, eta denboraldi berria abian da.