Bizikletaldiaren abiatzeak Mendibetik eginen dira, 7:30etarik goiti. Bizikleta arruntarekin nahiz elektrikoarekin parte hartzeko parada izanen da, eta ibilbide guziak leku ederretarik pasatuko dira, antolatzaileek zehaztu dutenez.

Lau ibilbide proposatuak

Parte hartzaileek lau ibilbideren artean hautatzen ahalko dute, norberaren mailaren eta gogoaren arabera:

• Goxoan: 34 km eta 960 metroko goranzko desnibela.

• Kokina: 47 km eta 1.420 metroko goranzko desnibela.

• Koxkor: 72 km eta 2.120 metroko goranzko desnibela.

• Aluxpet: 100 km eta 3.000 metroko goranzko desnibela.

Bideak seinalatuak izanen dira. Ibilaldian zehar, bi gune desberdinetan jateko eta edateko emanen dute ikastolako burasoek.

Izenak aitzinetik ematea gomendatua

Parte hartu nahi dutenek izena aitzinetik ematea gomendatua dute, Munhoa ikastolaren webgunearen bidez. Parte-hartzeak 22 euro kostako du.