Oztibarreko Eguna, usaian bezala, agorrilaren 15ean eginen da aurten ere. Izura eta Donaixtiren ondotik, aurten Jutsin ospatuko da.

Egun horretan, ohiko merkatuaz gain, animazioak, kabala erakusketa, jan-edanak eta beste hainbat ekitaldi izanen dira. Berritasunen artean, aurten argazki erakusketa bat ere proposatuko da. Horretarako, maiatz huntan argazki lehiaketa antolatu da, lema honekin: “Zer da Oztibarre xuretzat?”

Gai hau bi ikuspegitatik landuko da: haurrena eta helduena. Oztibarreko eskoletako haurrek marrazkien bidez adieraziko dute zer den Oztibarre haientzat.

Helduentzat, berriz, argazki lehiaketa antolatu da. Parte-hartzaile bakoitzak argazki bakarra aurkez dezake. Argazkiak berantenaz maiatzaren 25a baino lehen igorri behar dira, helbide huntara: oztibarrekoeguna@gmail.com