Osteguna
2026ko urriaren 22a
Buruilaren 29an, asteartez, laguntzaileen eguna iraganen da Donapaleuko Bideak gunean. 65 urtetik gorako pertsonen laguntzaileei zuzendua da, eta konferentziak, tailerrak eta profesionalen mahaiak izanen dira.
Harrera 9:00etan eginen da. Egiturek eskaintzen duten laguntzari buruzko hitzaldia izanen da. 11:00etan, bi gai landuko dira: «Nire hurbilekoak autonomia galtzen du! Zer egin?» eta «Akitua naiz, nola zaindu nire burua?». Eguerdian, bazkaria izanen da, eta arratsaldean beste tailer batzuk. Egunaren helburua laguntzaileei beren egunerokoan laguntzea eta beren burua zaintzeko bideak eskaintzea da. «Laguntzaileen %30a hiltzen da lagundua izan baino lehen», oroitarazi dute.
