Duela sei urte Arrutan instalatu zen Mateo Vila laborariak uda huntan Aspe ibarrean pasatu du mendiko sasoina, bere buru beltzekin. Larunbatean abiatu eta igandean Barkoxera arribatu ondotik, Añarben ere izan dira, Donapaleura itzuli aitzin.

Uda idorra izan bada ere, ura bazutela azaldu du. Hartzaren eremuan aritu dira, eta haren presentzia senditu dute. Sasoinaren bukaeran, artaldean ataka batzuk pairatu dituzte. Horren kontra, Pirineoetako xakurrak, gune elektrifikatu hetsiak eta gauero ardiak sartzeko ohitura baliatzen dituzte.

Hala ere, heldu den udan berriz joateko gogoa badu laborariak. «Plazerarentzat! Familia eta lagunekin iragaiteen diren egunak dira», dio.