Frédéric Espenel zuzendariak azpimarratu du arten kalitatea Donapaleuko ospitalean. Preseski, Osagarriaren Goi Autoritateak banatzen duen arta-labela bidean du, egun hauetan eskuratu beharko luke, dena ontsa bidean. Argi du biztanleek badutela artatzaileengan konfiantza.

Bestalde, dialisi-zentroak eskualdeko pazienteen egunerokoa aldatu die; orain arte astean hiru aldiz Baionaraino joan behar baitzuten hiruzpalau orenez han egonez, orain aldiz, berriki, zentroaren irekitzeak etxetik hurbildu die arta hori errezibitzeko parada.

Gainera, SMUR mediku-aktibitate berria estreinatuko dute larrazkenean.
Eguneko arten eskaintza ere zabalduko dute.

Bukatzeko, ebakuntza-blokeen arra-berritze lanak lehentasunetan direla argitu du Mathieu Auzi medikuak, eta, arten arrakastak ttiki utzi duela ospitalea, beraz, handitze-lanak ongi jinak liratekeela.

Horiek hola, ez du kukutu ospitale publikoen testuinguru ekonomikoa ez dela batere aisa, are gehiago, zailtasunak badirela.